Korleis drive fram klimaomstilling i ei uroleg tid?
21.-22. september 2026 i Sogndal
Meld deg på innan 20. juni til early bird-pris!
2026 er med god grunn utnemnt til Totalberedskapsåret. Samstundes har vi ei klima- og naturkrise som forsterkar den politiske uroa i verda. I år vil vi løfte fram korleis vi kan halde fram arbeidet med klima og natur når mykje av samfunnet si merksemd er retta mot tryggleik og beredskap.
Klimaomstillingskonferansen er tverrfagleg innretta med ei brei målgruppe: forskarar, andre fagfolk og avgjerdstakarar innan offentleg og privat sektor.
21. september har vi fokus på klimarisiko. Her kan du mellom anna lære om dei nye, kommunevise klimaframskrivingane frå Norsk klimaservicesenter og høyre innlegg om beredskap for naturfarehendingar. Nytt av i år er at vi inviterer alle norske forskingsmiljø til å presentere siste nytt frå forskinga si på klimatilpassing.
22. september er temaet utsleppskutt. Kommunar og næringsliv har framleis ein stor jobb framfor seg. Korleis kan dei halde fram med å omstille samfunnet og bedrifter til eit lågutsleppssamfunn?
Klimaomstilling 2026
Klimaomstilling 2026
Ti år med Klimaomstillingskonferansen
Tema for Klimaomstillingskonferansen 2025 var "Tid for endring – Halvvegs i tiåret for handling» og konferansen fann stad i Sogndal 6. og 7. mai. I 2025 arrangerte vi for tiande gong denne konferansen, samstundes som vi har hatt ti år med Parisavtalen og det er ti år sidan omgrepet «det grøne skiftet» blei lansert.
I 2025 såg vi på kva som har fungert dei siste ti åra og kva som står på spel i åra framover. Kva må vi gjere for å oppnå endringane som trengst for å møte klimautfordringane på globalt og lokalt nivå? Konferansen gav verdifull innsikt i kva for grunnleggande samfunnsendringar som må til og perspektiv på den internasjonale klimapolitikken.
I tillegg hadde vi innlegg om viktige tema som klimarisiko, naturbaserte løysingar og havnivåstiging – kunnskap som er essensiell for å forstå og møte dei utfordringane som ligg framfor oss.
Tidlegare
Areal på raudlista!
Korleis skal vi nytte areala våre framover?
Vanskelege val: korleis få opp tempoet i klimaarbeidet?
Klimarisiko og matsikkerhet, energiomstilling
Ny klimapolitikk – klimaomstilling i praksis?
2024: Korleis blir vi klare for det neste, store ekstremvêret?
I 2025 feira vi at #Klimaomstilling
#Klimaomstilling
#Klimaomstilling
#Klima
omstilling
2024
har eksistert i ti år
Frå #Klimaomstilling2023. Tur til dagsturhytta i Sogndal med Naturvernforbundet, bokbad med Espen Ytreberg, performance med Amund Sjølie Sveen og tettstadvandring med m.a. Inger Auestad frå Høgskulen på Vestlandet. Alle foto: Idun A. Husabø