Korleis drive fram klimaomstilling i ei uroleg tid?

21.-22. september 2026 i Sogndal

Sjå program og smakebitar frå konferansen her!

Du får early bird-pris ved å melde deg på innan 20. juni

2026 er med god grunn utnemnt til Totalberedskapsåret. Samstundes har vi ei klima- og naturkrise som forsterkar den politiske uroa i verda. I år vil vi løfte fram korleis vi kan halde fram arbeidet med klima og natur når mykje av samfunnet si merksemd er retta mot tryggleik og beredskap.

21. september har vi fokus på klimarisiko. Her kan du mellom anna lære om dei nye, kommunevise klimaframskrivingane frå Norsk klimaservicesenter og høyre innlegg om beredskap for naturfarehendingar. Nytt av i år er at vi inviterer alle norske forskingsmiljø til å presentere siste nytt frå forskinga si på klimatilpassing.

22. september er temaet utsleppskutt. Kommunar og næringsliv har framleis ein stor jobb framfor seg. Korleis kan dei halde fram med å omstille samfunnet og bedrifter til eit lågutsleppssamfunn?

Klimaomstilling 2026 har ein bolk der folk med ulike innfallsvinklar til klimaspørsmål kan presentere arbeidet sitt.

Les meir nedanfor!

Noradapt inviterer i år til ein eigen forskarkonferanse i samband med konferansen Klimaomstilling, som har vore arrangert i Sogndal sidan 2016. Vi ønskjer å utvikle dette til ein årleg arena for utveksling og formidling av kunnskap om forsking som gjeld klimaframskriving, følgjer for natur og samfunn og tiltak for å tilpasse samfunnet til uunngåelege konsekvensar av klimaendringar.

Klimaomstillingskonferansen er tverrfagleg innretta med ei brei målgruppe: forskarar, andre fagfolk og avgjerdstakarar innan offentleg og privat sektor. Det er viktig at alle bidragsytarar tilpassar presentasjonane sine til heile breidda av målgrupper.

Vi opnar for engelskspråklige presentasjonar, men krev at PowerPoint-presentasjonar er på norsk. Innsende abstracts kan vere på norsk eller engelsk.

I denne første utgåva av Noradapt sin nasjonale forskarkonferanse om klimatilpassing ønskjer vi å vere mest mogeleg inkluderande, og har difor ikkje lagt opp til ei tematisk avgrensing av bidraga.

Presentasjonane vil skje i eigne parallellsesjonar der kvar bidragsytar får 15 minuttar til sjølve presentasjonen og 5 minuttar til spørsmål frå salen. Sesjonane vil bli delte inn tematisk og vi oppfordrar innsendarar til å krysse av for relevans etter lista nedanfor for å lette arbeidet med å gruppere bidraga. Du kan krysse av for flere tema.

Lenke til skjema: Noradapt: Nasjonal Forskarkonferanse om klimatilpassing 2026 – Fyll ut skjema

FRIST FOR INNSENDING: 1. juni 2026 (Ny frist!)

Tematiske sesjonar

1. Det fysiske klimagrunnlaget

   • observasjonar, prosessforståing og framskrivingar

2. Verknader av klimaendringar i naturen

   • økosystem, artsmangfald og fysiske naturressursar

3. Verknader av klimaendringar i samfunnet

   • infrastruktur, helse, økonomi og sårbarheit

4. Klimatilpassing i praksis

   • tiltak, løysingar og gjennomføring

5. Styring og politikk

   • rammeverk, planlegging og rammevilkår for klimatilpassing

The conference will include a section where participants from various sectors and industries present perspectives on climate-related topics.

Read more