Ti år med Klimaomstillingskonferanse

Tema for Klimaomstillingskonferansen 2025 er "Tid for endring – Halvvegs i tiåret for handling» og konferansen finn stad i Sogndal 6. og 7. mai. I 2025 arrangerer vi for tiande gong denne konferansen, samstundes som vi har hatt ti år med Parisavtale og ti år sidan omgrepet «det grøne skifte» blei lansert.

I 2025 ser vi på kva som har fungert dei siste ti åra og kva som står på spel i åra framover. Kva må vi gjere for å oppnå endringane som trengst for å møte klimautfordringane på globalt og lokalt nivå? Konferansen vil gje deg verdifull innsikt i kva som er dei grunnleggande samfunnsendringane som må til, samt perspektiv på den internasjonale klimapolitikken.

I tillegg vil vi ha innlegg om viktige tema som klimarisiko, naturbaserte løysingar og havnivåstiging – kunnskap som er essensiell for å forstå og møte dei utfordringane som ligg framfor oss. Dette er ei konferanse for alle som ønsker å ta del i debatten om klimaomstillinga og korleis vi saman kan handle for å forme ei meir klimarobust framtid.

Bli med på konferansen – det blir ei inspirasjonsrik og informativ samling, der du får både djupe faglege innblikk og praktisk kunnskap som du kan ta med deg vidare i ditt eige arbeid med klimarelaterte utfordringar.